今次報團既時間其實係非常趕, 因為聰聰突然話這個星期放假, 所以一知道後, 第二日即刻走去攞假 & 報團, 原本都想跟永安, 但一黎無咩短線團, 二黎SALE得好表面, 根本就唔知個團去邊, 有咩玩... 就因為新華講得好詳盡所以就試下!

呢個團好就好在好悠閒, 第一天去左2個境點-新豐江水壩 & 東江畫廊(在東江坐船聽歌睇SHOW)!

就入住"河源御臨門溫泉度假村", 因為聽閒又靚又有峇里風情, 以及入面有成68個露天溫泉可以慢慢浸, 而且仲有得放煙火呢~ (不過我覺得個個都好似差唔多~)

由出發到第二天都不停下雨, 好多地方都水浸, 架車都係水上面行, 司機叔叔好難先送到我地出返番愚! 但落雨令我好開心既, 係因為我地主要係去長隆玩上水樂園, 就因為落雨又係閒日既關係, 所以完全唔洗排隊就玩晒大喇叭, 巨獸碗, 大滑板, 所有玩得既都玩晒, 仲要每個都玩成2次有多. 真係超抵! 到夜晚, 仲睇埋長隆大馬戲, 第一次睇馬戲團, 原來係咁正~好緊張, 氣氛又好~

再入住長隆酒店, 第三日係"白老虎餐廳"食自助早餐, 隻老虎係我地面前走黎走去, 好搞笑...

呢次旅行去到想去既地方, 玩到想玩既! 真係爽呀~ 特別嗚謝~聰聰請我去旅行!!

今日係我咁大個女打麻雀第二次最幸運既一日~所以要係BLOG度記低去.

大約20歲那年, 朋友教我打麻雀, 可能第一次玩. 玩十舖嬴九舖, 簡直笑到肚痛~

昨晚同千慧& Roy佢地出去飲酒, 玩到今朝返, 瞓得6個鐘就起身做節食糉, 食飽後, 係無乜精神狀態之下跟家人打麻雀, 點知要乜有乜, 八番係咁食, 自摸係咁摸, 嬴得太開心時, 我簡直學電視雀聖一樣, 係咁同D麻雀講叫佢地乖, 快D俾我嬴... 雖然係非常之衛生既麻雀, 但對我來講有得嬴就已經開心啦, 笑到牙胶都硬左...哈哈

特別消息, 下編BLOG將會記載"新華旅遊"長隆3曰2夜之旅主打河源御臨門溫泉度假村 & 長隆酒店 & 長隆水上樂園~ 真開心!

最近係個手袋度見到呢三間日本野, 發現自己一個月都食好多餐呢, 數數下有:

元綠壽司, 元氣壽司, 加太賀, 壽司亭, 青葉日本料理, 別府, 大久保, 大盛, 羽壽司, 東京迴轉壽司, 和民居食屋, 千之壽, 北海道活壽司, 目黑, 銀菱金店日本料理, 天鳥居, 一生任食創作和食, 明將, Todai, 百人一朱, 金太郎, 日之食, 板長壽司, 板前壽司, 峰壽司...

其實仲有好多間我都忘記左個名了...哈~ 我諗我個肚應該都生左好多虫!

我地既活動好豐富呢. 搞過好多Function, 如: 打邊爐, BBQ, Buffet, 唱K+芝華士...

原本今次想返深圳歡樂谷架, 不過因為流感, 所以改左去海洋公園! 以前我以為玩7次海盜船對我來講已經好勁. 我諗都無咩機會可以玩其他機動玩咁多次. 點知...... 一朝早10點鐘到山頂入口, 因為其他人未到, 所以我同Kinki 兩個人玩住先, 可能因為早既關係, 無咩人, 就好興奮咁玩左2次, 到其他FD黎埋之後, 我前後玩左5次越礦飛車... 雖然我好鍾意呢個機動. 但玩咁多次, 我真係俾唔到咩反應囉~哇哈哈 3個鐘我玩晒所有機動遊戲~勁!

下午去左"灣景餐廳"佢地話食豪D. 但真係好貴囉.  食飽飽後, 成個下午就行晒所有乜館物館... 玩到散場! 累到爆. 晚飯都唔食就回家瞓了. 第二日簡直散晒!

首先坐地鐵去到"深圳大劇院萬象城"既美食廣場搵野食~之前試過鐵板燒, 今次就無試!試左周邊既美食. 食飽飽就再搭地鐵去"香蜜湖渡假村玩小型賽車", 自從澳門那次後, 今次係我第二次玩了. 前後玩左2次, 第一次一坐上去, D感覺好正!衝啊~不過唔知每圈都有計時, 所以車速得"54.06"秒. 不過第二次就勁囉. 同埋有其他人玩, 感覺最自豪就係超越其他賽車手~哈! 今次我快左成10秒...嘻! 玩夠了. 就坐地鐵返深圳等埋華少再一齊搭巴士去"光明"食乳鴿. 因為楓少爸爸有車, 每人食完一隻乳鴿後, 就車我地到橋頭食蟹粥雞粥. 好味道! 雖然大家都食到好飽, 但楓少突然問我地想唔想食M記雲糕...呵!都好啊~ 原來大陸已經咁先進, 可以唔洗落車就可以係M記買到野食, 感覺好外國FEEL~哈! 之後就入住楓少幫我地訂好既酒店-東莞市橋頭鎮湖濱路「三正蓮湖度假村」地方好靚, 內部裝修有酒店格局, 外部有花園, 水池, 園林!

第二日瞓醒, 因為天雨關係, 無去到睇鐵路, 又無得玩那種可以坐人既水上水泡>< 到最後, 我地係酒店飲完早茶, 楓爸就楂車車我地去麗城玩室內遊戲, 第一次入到一間幾樣野同時間放埋一齊既地方真係O晒咀, 保齡球隔離有機舖, 再隔離係桌球, 再過D竟然係釣蝦場. 個情境好搞笑! 想都無想過格局咁特別. 我就慘啦, 一打保齡就反左甲...嗚! 好彩雖然無咩姿勢, 但實力分數都唔差~呵呵!

事實上, 我同佢真係幾夾, 尤其思想上. 又或者佢無咩所謂就我卦. 每逢新年, 情人節呢D咁人多擠迫既日子. 我都鍾意做D普通人唔會做既野... 新年我地兩個二人世界係屋企渡過, 係屋企睇煙花! 因為本小姐怕迫!

情人節前一日先諗住上網訂飛睇戲, 但太遲FULL晒. 咁唔睇戲有咩做? 去邊? 食乜? 我地乜都無諗囉! 瞓醒先諗! 今日聰聰黎接我放工, 我地係APM行吉之島搵野食, 見咩食咩...呵呵~ 壽司, 泡芙, MOS BURGER.. 行左一陣商場, 就轉移陣地去左沙田行運動舖~ 再去食博多拉麵! 總之咩特別日子都好, 我地只會周圍搵野食

~情人節快樂~

唔經唔覺, 同你一齊左一年, 呢段日子, 係我拍拖以來拍得最開心最幸福, 你好錫我, 好寵我, 不過我已經被寵壞啦, 你而家後悔都太遲了~相識至一齊既半個月裡面, 我純真既小腦袋就不斷俾你D親戚朋友又呃又哄咁洗腦, 所以我好快就同左你一齊.  其實咁短時間, 我都怕大家會唔夾, 因為我D性格太過特別… 但呢一年我覺得我地好夾, 未吵過架, 連有火既說話都無, 耍花槍就大把…哈哈!  總之就無咩唔開心啦!  可能大家都係無咩所謂既人卦!  

我知道我成日去玩, 你會唔鍾意唔高興, 但呢D事亦都影响唔到我地之間既感情, 我地亦都無因為呢D咁小…….既事吵過架.  我真係好開心! 一週年咁開心, 當然有禮物同埋食好野啦! 仲要連氣幾日都食...肥死你啦~ 

聰聰就收到一條 D&G 既子彈吊咀項鍊   我收到一條 Tiffany 手錬

正日當晚去左"金鳳"据扒...正!

第二晚”椰林閣”据扒 & 香芋咖哩羊肉煲

第三晚”意粉屋” 芝士火鍋 & 芝士蝦蟹磨姑意粉

點解主要都係食? 因為我同聰聰都係鍾意食野既人囉~

最唔鍾意人: 

無錢無本事又懶係型, 懶係寸

好似自己好玩得好寸得, 但又心胸窄又唔俾人寸得, 又小氣

係人面前講人話, 背地裡中傷人, 有咩不滿最好直接講出口

是是非非, 自私, 發姣, 婆媽...最討厭欺騙

以上係我面前做得出既人, 唔只係身邊朋友, 大部份都俾我鬧過...呵~ 點解有D唔鬧? 因為唔係個個都鬧得~ 但有時鬧完後, 又覺得自己好衰, 仲咩要俾人睇到自己咁既一面呢, 仲咩要搞到自己咁激氣, 咁臭脾氣呢... 唉!(當然我認為唔會交心既, 鬧都費事!)

最鍾意人:

爽直, 開朗, 有個句講個句, 有不滿就直接出聲, 唔介意人點睇, 做返自己, 又玩得又寸得, 唔發姣...

幸好我身邊好多朋友都係咁既人 可能佢地對住其他人唔係用呢一套, 但起碼我覺得佢地對住我好直好真!~ 如: Phoebe, 寶怡, 阿馬, 阿袁, 魚皮, 表姐, 阿Ling, Ashley, 謙少, 樂文, 藍秋哥哥, 一對人, 阿B, 子健, Ray哥, 阿行.... 仲有好多呢~不能盡錄!!

返左新工一個星期左右, 感覺自己越轉一份工就比一份辛苦, 由以前可以成日上網MSN, 睇小說, 講電話, 打機, 到現在入左銀行, 網又無得上, 電話又唔得閒傾, 日日係咁對數  不過好彩, 對住D數, 我係好認真既, 而唔係恰眼瞓啫, 不過隻眼係會好累囉...

身邊好多朋友都結婚, 突然係度諗, 幾時輪到我呢?? 我想結婚嗎? 我都唔知啊~ 但我想有個自己既小天地, 可以見到咩靚既就買! 不過我懶啊, 最好有個人照顧自己, 做下家務~ 哇哈哈!

由細到大我都只係想搵份工HEA下HEA下咁過一世, 最好年年有薪加... 爭上位? 無想過囉, 所以我覺得我既潛意識一直都諗住有人養, 唔係既話我又點會咁諗野呢...呵! 

最近成日都好似好忙咁, 返左呢份工, 我直頭連街都唔想出, 就算出都想早D回家抖下. 而且唔係呢個FD生日又到另一個生日! 好似少左陪聰聰咁~ 唉! 而家聰聰大個仔啦有無有翼, 開始俾說話我聽, 又話唔鍾意我去玩, 又話佢唔高興...呵呵~不過好彩.....聰聰當然得個講字啦! 嘿嘿~

~相識一週年快樂~

由細到大, 工作到現在, 我唔係未受過傷, 唔係未被出賣過, 但始終我既想法 "人其實唔壞"

我成日都認為我對人好, 人對我好... 我用心去對人, 人地都會咁為我. 所以我身邊既朋友, 我覺得個個都對我好好. 尤其係Phoebe~

有人話女性身邊既男性朋友對自己好, 多數有企圖~ 但對我來講, 我好肯定我身邊既男性對我好, 係因為佢地真係覺得我好. 我身邊既朋友有好人亦有壞人, 但佢地都好錫我, 好保護我, 可能因為咁, 所以我咪覺得"人其實唔壞"~ 思想好單純

利益衝突~永遠都係做朋友最大問題, 所以我到現在都堅持唔講錢, 講錢傷感情. 你無錢我請食飯有咩所謂, 但借錢, 要追人還, 我真係唔鍾意.

公司政治~可能聽人講得多, 成日都好怕公司人事複雜~ 有人話我好幸運, 做幾間公司都做得開心, 我又唔覺有咩複雜, 其實可能有既, 只係我唔知無發現, 咪無囉! 但最近我發現, 可能對你好好既, 都未必係真~

女人男人~"人心難測" 點解我既腦入面都無咩出現過呢樣野~ 可能有事發生我會咁諗, 但過一排呢個諗法又無左! 好多人叫我學會保護自己, 唔好咩都同人講, 對人要有保留. 咁多年, 我諗都做到既, 睇下個個人我鍾意唔鍾意囉...呵!

一早起身做下mask, 化妝著靚衫出中環等聰聰放工, 之後一齊上山頂! 途中聰聰一直拿著個袋, 我已經知係我既禮物, 但因為個衰仔用左其他袋袋住, 所以估唔到係咩...

我地一上到去, 就帶左我去睇夜境先 由高處睇, 真係好靚, 夜晚每棟大廈都有唔同燈飾~

行到7:30pm我地就去左香港只有一間的"阿甘蝦餐廳Bubba Gump" 一間食美國菜既餐廳. 試左個好出名既卡真牛油煎蝦 Cajun Shrimps 味道真係唔錯, 個蒜蓉包都好正! 仲叫左個類似併盤既有龍蝦仔, 蝦, 魚, 但全都係炸既. 好熱氣好膩! 可能因為炸, 感覺唔到味道, 麻麻地~

當然係等食既時候就係拆禮物啦. 一拿出個袋.....嘩!LV 銀包呀! 個衰仔真係破產啦~哈!好鍾意呢. 不過下次就唔好買咁貴啦, Gucci我都鍾意~

食完晚飯, 聰聰去左washroom時, 我無無聊聊咪望下窗睇下景囉. 點知突然有個waiter走埋黎放左2支叉. 心諗:唔係咁快迫我埋單呀! 過左一陣, 聽到後面有D吵, 我又無留意到餐廳既燈暗左, 當我另轉頭時, 突然有個大蛋糕係我面前 嘩!個刻真係驚喜囉, D waiter叫晒D食客拍手, 又有人唱歌....好浪漫啊! 不過真係想都無想過會咁~

原來個蛋糕係聰聰係下午買左拿上黎, 真係識哄人

真的多謝你~很開心很Sweet!

搵禮物就真係辛苦啦, 佢又唔好公仔, 又唔好名牌, 音响電器我又唔識, 真係唔知買咩好  見佢側揹袋爛左, 我都係比較鍾意買實際的野, 所以搵左好耐, 終於俾我係Calvin Klein見到一個款式同大小相似的側揹袋. 本身我見到Calvin Klein個袋想買既, 但又想考慮下, 所以走上去Esprit買左件恤衫, 買完恤衫唔知係咪洗錢會令人心情興奮, 就好豪咁走返去Calvin Klein買埋個袋, 將件衫放埋入去, 一次過送俾聰聰啦! 嘩!真係出血呀呢日.

Openrice找到一間高級餐廳一間食法國&荷蘭菜的"小男孩Baby Blue Cafe & Bar" 環境又大又靚, 每款食物都好精緻呢. 好彩都食得好飽...哈!

有頭盤4款, 湯2款, 主菜4款, 甜品2款, 飲品2款... 總之就好味道!

聰聰生日快樂, 開開心心!!

5/10/07 好耐無同阿成聯絡啦~ 計計下都識左1年多, 咁啱佢黎灣仔返工, 又知我生日, 所以約埋食飯~多謝! 本來阿成夜晚仲想約我落吧, 佢話玩埋今晚就要乖喎, 但我又約左phoebe落吧啊~ 唯有下次!

6/10/07 祖兒知我生日, 佢個衰仔成日食好野, 所以一早已經應承話帶我去試~ 今次係去"三木韓國料理" 嘩!呢間野超貴, 一個什錦牛肉都成$350, 不過又真係幾正既~ 仲影左張好靚既相~

10/10/07 今日阿成又黎找我食飯啦~佢話遲D搵日同我正式食返餐生日晚飯. 夜晚謙少同我据扒, 因為我生日囉 

12/10/07 聰聰的朋友同佢慶祝生日, 一齊去香港仔唱K, 佢D朋友好搞笑, 成晚就笑到肚痛!

13/10/07 同聰聰&一大班親朋戚友去香港仔唱K, 佢地幫我同聰聰一齊慶祝生日~

15/10/07 為免時間太趕所以同子健食飯延後^^放工就同Phobe&佢一大班Friends去"大皇蜂", 原本因為有人生日, 但點知生日那位沒空, 所以我地十幾人自已去~一入到去, 環境雖然無Cyber咁大, 但幾靚, 好有Cyber Feel, 仲幾好玩, 可能星期一, 唔太爆, 冷氣又夠, 而且Washroom好乾淨~正!

16/10/07 呢日我同聰聰兩個人慶祝 我係Openrice睇中左一間食法國&荷蘭菜的"小男孩Baby Blue Cafe & Bar" 環境好大好靚, 感覺幾高級呢~呢間主要食藍貝, 所以我地有4款頭盤, 其中2款都選藍貝呢 好鮮甜好味道!

買左2份禮物送俾聰聰, 佢一見我拿個大紙袋"Calvin Klein"出黎已經好開心, 食飯時拆禮物仲開心, 一個Calvin Klein的側揹袋, 袋中仲有一份禮物, 就係...Esprit恤衫!聰聰好鍾意呢, 係咁係度傻笑... 不過我慘了, 荷包乾硬化

18/10/07 契細路子健記得我生日! 定好今日同佢食飯^^我地去左旺角花園餐廳据扒, 本來想幫佢慳錢架, 因為佢要養家...哈!不過佢又唔想, 所以都好豐富~嘻! 相識一年了, 子健對我真的不錯.

21/10/07 龍少為左同我慶祝生日, 約好一齊去尖沙咀睇戲"兄弟", 未睇之前有時間無咩做, 就入馬會買六合彩&買馬, 只買Win$50, 不過輸了! 另外佢應承話送禮物俾我, 所以睇完戲之後, 佢係唔鍾意行路既情況下同我行左個幾鐘, 但都係買唔到, 因為佢知道, 禮物係人地選, 我選唔落手, 最後佢話等佢自己買俾我 之後去左扒王之王据扒啦... 嘻嘻哈哈咁過左一天!嘿嘿~

26/10/07 容少楂車黎接我同魚皮再去找肥風, 原本諗住我地4個人, 因為佢地有同中學同學一齊玩, 所以約約下十幾人一齊去西貢BBQ, 都好開心! BBQ完佢地同我慶祝生日, 去左油麻地唱K, 嘩!佢地飲得好勁呀, 我好耐無試過一杯杯咁飲!好暈啊 原來以前相識的同學, 大左會咁易玩返! 容少好黑仔, 接我時因為個度唔上得乘客, 一張牛肉乾, BBQ完出旺角唱K, 架車又壞左要拖車~唉!

27/10/07 聰聰同我去山頂慶祝生日, 好浪漫啊~

28/10/07 全靠好姐妹Phoebe安排!已經Book左28號晚係"大皇蜂"搞生日Party~ 個度有好多大梳化, 好舒服呢~ 又對住舞池~ 最開心寶怡都有黎! 第一眼見她就好喜歡她, 佢同我D FD都玩得埋, 一D都無悶親佢, 真好^^嘻! ! 今年生日好開心, 有好多朋友同我慶祝, 收到好多短訊&電話, 最搞笑係今次係Disco搞生日, Phoebe個同事識人, 簽左成2打啤酒俾我, 多到飲唔晒 總之就開心啦~ 全部人都無分批玩, 大家都玩得好開心!

以我記得出席人仕: Phoebe, Manei, Fanny, 阿馬& FD2個, 樂文, 寶怡, 哥, 軒& FD, Keith& FD4個, 阿陽& FD, Level, 奶奶, 仲有好多唔記得D名既~成三十人咁玩, 真係正!

4/11/07 今日一大班CEIT舊同事為我同Cherry一齊慶祝生日~ 地點小欖BBQ場! 我好開心我地呢班CEIT舊同事可以咁融洽, 幾個月左右就會搞一次活動, 玩得好開心, 個個又玩得又吹得....Yeah!

今日收到一張大炸彈, Raymond哥大個仔啦, 結婚啦 恭喜恭喜!

19/11/07 Kinki約我係觀塘補返生日飯, 日式放題"外野手"! 幾好味啊, 不錯不錯, 多謝晒~

好開心有禮物收: 

魚皮- 唇彩 

謙少- SKII粉底

聰聰- LV銀包

我想我的節目安排時間要分開少少, 接住落不停出街會累死我啦~ 查實這月中有太多節目, 以上大多列我生日的, 如果列晒成個月既活動, 我都覺自己出得太多..嘿嘿

以上內容不斷更新....呵!!

最近這一個月發生了很多事, 高低起伏, 開心唔開心樣樣有, 究竟是世事難料, 風迴路轉? 還是女人善變呢?

試過了總比沒試過好. 想通了, 人才會懂......

用自己既心去選擇, 就算真的那麼不幸選擇錯誤, 能走過, 都起碼自己知道走錯, 可能一個錯的決定會影响或傷害身邊好多人, 但唔試過永遠就有個心推使自己去試自己想試的路... 何不試過後, 再選一條正確既路?

可能很浪費時間, 但唔試過係唔會知另一邊才是對的... 選擇了, 就不能後悔~

小小故事~ 

有一次諮商一對夫妻，過程中我問老公︰
『假如這輩子你只能買一部喜歡的車，也不能換，那你會如何保養這部車？』
老公很興奮的說︰『那我會用最好的機油、準時保養、常常洗車........。』
我邊點頭微笑邊聽他講了一大堆，這時我又問︰
『那假如這輩子你只能娶一個老婆，也不能換，那你會如何對待她？』

*人因為有選擇, 所以舉棋不定,猶豫不決*

*有時侯沒有選擇會比有選擇好！*